Чăваш Республикин вĕренÿ институчĕ чăваш чĕлхи, чăваш литератури тата тăван ен культури урокĕсенче усă курмалли видеороликсемпе анимаци фильмĕсен конкурсне ирттерчĕ. Жюри 15 ĕç пăхса тухса хакларĕ, конкурса тăратнă материалсем паха пулнине палăртрĕ. Ĕçсем тĕрлĕ енлĕ пулĕç: мультфильм майлă калăпланисем, слайдсене сасăланисем, видеофрагментсем тата фотоматериалсем лартнă ĕçсем т.ыт те.

Пирĕн садикри педагогсем те ҫак конкурса хапăл тусах хутшăнчĕҫ. Степанова Светлана Витальевна воспитательпе Афанасьева Инна Александровна музыка ертӳҫи ĕçе тĕплĕн туни курăнчĕ: вĕсем «Виҫĕ хĕвел» анимаци фильмне хатĕрлесе ҫĕнтерӳҫĕсен шутне кĕчĕҫ. Эпир вĕсене саламлатпăр, малалла  тата та пысăкрах ҫитĕнӳсем тума сĕнетпĕр.